2007 北海道冬天之旅 (Part V)

2007.12.24 － 平安日祈福

Washington Hotel 走去新宿JR，途中見到兩棵金黃色的樹，好有秋天的味道．

再到Mochicream買了兩顆，一早就甜入心！

平安日到雷門祈福，試了些小食，又買了些手信，輕鬆的逛街．仲有為朋友仔祈福！

到著名天婦羅老店大黑家午飯，好多人排隊，不過都值得既．天婦羅不是很脆口，但自家醬油好好味！

下午開始shopping! 只是Shibuya（涉谷）我們已經逛了整個下午至晚上．晚上回到新宿到了一間居酒屋吃晚餐，可以touchscreen自己選食物，好方便．晚飯後已經九時了，很多店舖都關門了，有啲失望呢．

唔緊要，我同MY繼續周圍逛逛，歌舞伎町，藥房睇cosmetics,etc. 平安夜番酒店前，再到coffee shop 食cake嘆coffee.  Happy Silent Night~

 

2007.12.25 － 我們的第一個東京聖誕

聖誕節快樂！一早到酒店39/F的曼克頓餐廳享用早餐自助餐，望住對面好高既市政府廳同新宿市景好開揚，食野都特別開胃！

一早吃過少少早餐，我們就到築地魚市場搵新鮮魚生壽司．我地去左最多人排隊既壽司大，等左差不多一個半小時．雖然好累，但都好值得．師傅好nice，好風趣，真係識做生意．佢地逗得客人們都好開心，又會逐一介紹各類魚生壽司，又主動幫我同MY合照，我地食得好開心又滿足！魚生真係好新鮮，果然真材實料．

食完又食，我地已經取消了米芝連法國餐廳既booking，但去到原宿，又試唔同既街頭小食！ 再逛到表參道．．．

聖誕夜到六本木山食晚餐，試左著名吉烈豬扒吉烈蝦，望住出面夜景，好舒服．

晚餐後，上到位於Mori Tower既美術館睇展覽，然後再到54/F既Tokyo Sky Deck觀賞東京夜景，仲可以望到東京鐵塔添！

我同MY幫襯左佢地既影相服務，影左一幅六本木山聖誕夜景合照．

臨走前，我地再同唔同既聖誕裝飾合照．

東京最後一夜，好唔捨得，再到新宿食宵夜拉麵．

 

2007.12.26 － 要番香港啦，好唔捨得．．．

一早就要乘早機回港，從機上看到的富士山．

機上看到的中環國金．

今次十一天的北海道東京之旅好難忘，尤其所有行程都是我們一手一腳編排，而且這是我同MY第一次相處咁長時間既旅行，雖然當中都有爭吵，但大家都更加了解對方．最重要是我同MY都好enjoy今次旅行，佢好鍾意滑雪，而我就好喜歡層雲峽既雪景．北海道，我地要快啲再見！

2007 北海道冬天之旅 (Part IV)

2007.12.22 －第七日：真係涷到頭都甩

今日一早就搭火車離開札幌，往南下函館去．由於車程都差唔多要三個小時，所以我地選擇七時許既早班車，節省時間．我地第一次係便利店買左滑蛋豬扒飯(my favourite!)，三明治，粟米湯(my favourite again!!)同咖啡當早餐．Yummy! 

到達函館，首先去toyoko inn放低行李．跟往就去函館朝市食食食，希望食到新鮮魚生海鮮． 我地叫左兩個三色飯（料可以自選）同我最愛既玉子．帶子最鮮甜！

便利店早餐加魚生飯都仲唔夠，MY仲要再係北海道食蟹，好似係我地行程既第四次！ 今次仲好似係最大隻添，不過都係7,000Yen（大約HKD500）．

要等半個鐘，我地去左函館駅影相．

番去食蟹啦！我地買埋啤酒同咖啡去，佢地services好好，又可以洗埋手．不消一會就食清唒！ 好鮮甜呢！

跟住搭函館市電到五稜郭公園，上左五稜郭塔從高處望番落黎，睇唒成個函館市雪景，好靚好壯觀！ 從玻璃底望落地下，都幾驚！

我地入左五稜郭公園逛逛，周圍影下相，好舒服．好涷，買支熱牛乳飲下先！

搭番函館市電趕往睇夜景聞名既函館山．嘩，有好多遊客，搭Ropeway上山後，已經天黑，個夜景都好靚（不過我都係覺得香港靚啲），仲好涷添！真係涷到頭都甩(clare, I agree!) !

跟住我地去左展望台二樓既Genova食晚餐，當晚仲有煙花表演，好surprise好開心！

落山後到函館既八幡街，教堂同元町公園影相．雖然條街無冇人，不過都覺得好浪漫！ 不過MY又唔小心仆街（啲雪真係好滑），好彩有我扶番起佢！

再漫步到金森赤倉庫，西波止場，有好多聖誕裝飾，好有節日氣氛！

之後我地再去左食拉麵當宵夜，完美的一天！

 

2007.12.23 － 第八日：東京，我地黎啦！

我地要搭早機飛番東京啦！早上再到函館朝市吃早點，我要左魚生飯，MY要銀鱈魚定食，飽飽呢！ 搭巴士去函館空港，上機前再衝刺買手信！ 我地仲買左一盒Chestnut cheesecake 上機慢慢嘆！

到左羽田空港，我地搭JR到新宿去，放低行李係我地住既Washington Hotel－新館．酒店唔太近新宿南口，不過房間好大，好舒服．

跟住就要搵野食醫肚．去左一間日式餐廳，試左滑蛋豬扒飯（my favourite!!），蝦天婦羅定食連蒿麥冷麵，好豐富既一餐！仲有得俾我自己磨新鮮山葵（wasabi），好好玩！

經過新宿南口站，見到有一間日式和菓店賣mochicream，有好多口味，要左兩個試下，yummy!

跟住我地就搭黃巴士到三鷹美術館（宮崎駿美術博物館）．入面所有野都好得意，可以了解宮崎駿係點創造佢既動畫王國，啲場景都好靚！

MY好累了，我地坐無人駕駛時佢訓左一陣．終於到台場啦！好多人，全部食肆都大排長攏，我地shopping完係一間Indian restaurant對住彩虹橋食晚餐，好romantic!

晚飯後，我地行左去彩虹橋同富士電視塔影夜景，好靚，好開心．