今年既冬季旅行，我地揀左南韓，因為可以滑雪，啱晒MY! 
同埋最緊要夠平，而家經濟唔好呢！
12月16日晚上，我同MY到機場集合啦，因為要搭零晨機．
17 . 12 . 2008
我地17日零晨已經到達首爾，４點幾咋，仲好眼訓呢．
係機場梳洗同食左個早餐後，就開始第一日既行程啦．
第一站：青瓦臺，南韓政府辦公既地方．由於太凍既關係，影左張合照就番上車啦！
跟住就去左靜江園：韓劇“食客”拍攝地，雖然我自己都冇睇過齣劇．有個韓國婆婆教我地整正宗傳統石頭拌飯，我同MY都有份製作架！
自己最後都有食番-我地既午餐，都唔錯啦．
我個團得１９人，所以好容易handle；全部都係一pair pair，除左有一家人，仲有個超可愛又乖巧既hei hei. 
終於番到鳳凰城滑雪度假村，間房都好大，分開廳同睡房，仲有齊煮食用具，完全係俾一家人來度假呢．
訓左一陣，我地就去鳳凰城水上樂園Blue Canyon，浸spa玩水．仲係未識游水！
今個summer一定要學識！！
晚餐：韓式燒烤，yummy! 
18 . 12 . 2008
一早起床，整裝待發！！
鳳凰城滑雪場：有十多條滑雪道，我地玩beginners咋！ 雖然去年係北海道學識左，不過我初時都係有d驚，用左２５分鐘先滑到落黎，仲要中途脫腳，氣懷MY! 
多謝MY照顧我，我慢慢已經可以用番正常時間（幾分鐘）滑落黎．
由於太熱愛關係，食個quick lunch，我地又繼續玩啦！
MY，希望下年可以陪你玩intermediate既滑雪道！ 
Take a rest，嘆杯咖啡，食塊cookie，好寫意．
晚餐：韓式火鍋，好溫暖呢!
）
