六月二十六日(四)
番到香港後，去做正經事先．
晚上就同MY＆Mama到太古城翠晶軒用膳．太古城幾間美心食府都試過，唯獨呢間未試過．今晚試左：蒜香雞（好脆好新鮮），西柚大蝦（個汁幾好味，不過脆皮有點厚），龍蝦伊麵（龍蝦肉好爽）同花膠絲時菜．我地三個都覺得翠晶軒係三間之中最好，選擇多，味道好，真係喜出望外！
六月二十七日(五)
晚上同幾位好朋友，Pat弟，Kit，gingin同MY到喜宴品味食飯，第一次試陳村粉蒸桂花魚，陳村粉同魚都好滑，好好味；其他餸都保持水準！全晚最攪笑係我地撞到一個舊同學，不過我地超級低b咁．．．
飯後去左風月堂食甜品，選擇好多，我地試左四款
：香蕉蘋果批，芝士芒果班戟（hot!)，芒果紅豆酥（hot!)，綠茶紅豆夾餅．全部甜品都好好味，下次要再同啲好朋友黎！
Virgine，妳快d好番同我地再食過！
六月二十八日(六)
早上學完車後，同MY試左Henry House既Agura Teppanyaki. 百多元一個set lunch，我地選了澳洲牛薄燒定食同大蝦銀鱈魚美國雞扒定食，套餐跟沙津，炒飯，菓物．份量足，鐵板燒火候適中，海鮮同肉類都燒得好好味！
呢個價錢，食物質素同環境，我地覺得好值，一定會再光顧！
下午逛完灣仔，跟住去埋九龍灣，終於幫襯左Design 2000. Kenneth 都好似好醒，希望我地會好滿意啦！
又去左美心係Mega Box既喜百合食晚飯，好味，夏日特飲好清新，我好鍾意個度既環境．
六月二十九日(日)
早上同MY's family係太古翠晶軒（again!）飲茶，食左好多點心，Jacky仔仲食左四粒燒賣，兩粒蝦餃添！下次再帶佢地出黎玩啦！
係CWB California做完gym後，我地搭的士去左金鐘纜車站上山頂．
第一次搭纜車要企，哈哈，好難忘，尤其最斜嗰段！
我地去左Bubba Gump食晚飯，用DBS credit card order 兩個main courses 送一個side dish！不過送嗰個（唔知咩波）唔係咁好味，怪怪地既！
都係"卡真蝦"同"ribs"最yummy!
得意示意牌．．．
臨走前啲霧終於散啦，好lucky!冇浪費到個靚位！
之後再去埋Starbucks食左個Green tea tofu cheese cake加Caramel machiato，好滿足！
同場加映HTC Touch Diamond
一部！仲有Diamond出品既香港夜景一幅．
七月一日(三)
假期去左Island Shangri La既Cafe Too食lunch buffet，食物種類好多，泠盤都好新鮮！
Dessert最好味係熱辣辣既pancake同新鮮strawberry with chocolate fondue (black chocolate, white chocolate & strawberry chocolate)!
下午去左揀curtain，揀左以下兩款金金地色布料．
假期完啦，努力工作！
，香港仲掛八號風球！浪費左半日假俾公司，唔抵！
，葡撻就水準依然，熱薑可樂好特別！
