2007.12.20 第五日．滑雪要搵Yo! (小樽 -- 二世古)
第五日啦！早上醒來，就換上和服吃早點．食材好新鮮，有三文魚，白雪雪的燉豆腐，大大粒的士多啤梨等等．．．望住窗外雪景，感覺好舒服！
早餐小休後，我地check-out前就再次享用房內自己的私人風呂！
早上的雪景又係另一番景象呢！今早仲落住雪，浸係熱熱既溫泉水度，好得意呀！
離開宏樂園後，就乘車回小樽駅．然後我地又繼續搵食．目的地就係車站旁既三角市場．三角市場係一個海鮮市場，裡面有好多游水海鮮同新鮮海味．我地見到好多大大隻皇帝蟹，忍唔住就要左一隻皇帝蟹，都係5,500Yen咋！半個鐘就有得食啦！無需任何調味料，熱辣辣原隻上，自己逐隻逐隻〔蟹腳〕剪出黎食，好原汁原味呢！
由於趕住搭火車到二世古既關係，我地食咗１０分鐘之後就叫好好老板娘幫我地打包，之後再慢慢食！
同場加映：新鮮海膽一板俾我掃清!
我地跟住就坐約兩小時火車到滑雪勝地：二世古！火車上都見到其他人拿住滑雪道具，大家都好興奮呢！我同MY係車上就試食係小樽買既和菓子，望住車外既雪景，好靚呀！我地仲有機會係火車停站時到站前既Welcome Bell敲鐘同遠眺羊蹄山！
到左二世古車站，我同MY就立刻坐的士到Niseko東山Prince酒店．今次係我地第一次搭的士，果然好貴
短短十分鐘既車程，就用左3,600Yen（約HKD250)．沿途望到車外都落住好密既細雪，仲有d擔心可唔可以滑雪嫁？
去到東山酒店差不多三時，見到lobby有好多人，好熱鬧呢！Check-in後，我地就即刻book埋skiing coach，兩小時兩個人16,000Yen（約HKD1,000)．我地準時3:30pm就開始我地既滑雪私人訓練班．Yo就係我地既私人教練，佢係純正日本人，係美國讀書同住左５年，英文都可以同我地遘通到．
初時佢教我地係雪山底學basic steps,之後問我想唔想試下上雪山！我竟然問個雪山斜唔斜，會唔會好高，哈哈！跟住佢就拉左我同MY上community chair登山啦！
沿途風景好靚，不過好涷，d雪不斷飄落我塊面度，真係好涷！chair到左山上我地終於要落chair，少不免都係要跌幾次！我地最終用左差唔多一個小時先一卜一碌甘係山上滑到落山腳，我唸識滑雪既人應該可以用５分鐘就滑到落山腳．所以我覺得Yo都算好有耐性甘教我地兩個，多謝晒佢呢！可惜冇帶相機同佢影相，唔緊要，下次去二世古，我一定會再搵你！
經過四小時滑雪大戰後，鼻紅紅冷帽又結左冰既我同MY，迅速換過衣服就去大吃一餐豐富既自助餐！Yummy!餐後小休後，我地就到酒店既東山溫泉享受露天浸泡既滋味，好開心呢！我地玩左成日好疲倦，好快就大覺訓啦！
2007.12.21 第六日．Yo，我識滑雪啦! (二世古)
一早起床，MY就逼我快d食早餐，然後又再滑雪．
我好喜歡食早餐既地方，睇住窗外雪景食野都特別開胃．
我地坐chair上雪山啦！Yo!
雪山上留影．．．
Yeah Yeah Yeah~~~
經過昨天既學習，以下就係我地既成果啦：
係唔係好叻呢?
今次滑雪真係好開心，尤其是MY，佢簡直係瘋狂，完全唔會疲倦ga! 
好啦下年再陪你黎玩啦！Yo，下年再見！
我地係酒店食左個午餐後，就要搭火車離開二世古．等火車時，MY同我又拿出小樽既打包涷蟹品嚐．
返到札幌後，我地係車站旁周圍逛逛，買左d衫同小食，跟住就去醫肚．
又係一餐蟹料理，MY至愛．
我地今次又叫左好多野，張單都幾溶呢！
唔緊要，MY's favourite，無計啦，haha... 多謝哂！
晚飯後，我地就上左Stellar Place 既 T38 展望台欣賞札幌夜景，好開心咁渡過今個trip係札幌既最後一晚！
札幌夜景好靚，我地chat下，影相，同飲左杯野，好滿足呢！仲有，我甘大個女第一次入男廁，仲要係有夜景既！ 我偷偷地入去影ga...
See you in Autumn~
