由於我寫blog太慢既關係，我未寫完日本之旅，就已經完成左復活節台中，南投之旅．
所以我決定改變一下我既style，寫得精短d先！
今次同MY既台中四天之旅，係一個好即興既旅行，原本無打算今年去既．不過今次台中之旅好特別，主要以欣賞風景，大自然同動物為主，同以往既旅行好唔同，好難忘呢！
Day 1 - 香港 － 台中
到埗後，先回台中褔華大酒店放下行李，然後就到台中自然科學館參觀，同埋d小朋友一齊睇左齣天幕大電影，重拾童真．
睇完電影我地就到左間好特別既"robot station cafe"食lunch．我地點左：mexico雞肉薄餅，三文魚焗飯，一杯招牌咖啡同埋可以飲既Tiramisu! 
同門口既貓貓玩完，
就出發到下一站，台灣國立美術館走一走，感受下當地既文化氣息．
跟住我地就去左精明一街逛街，台中真係無冇好買，好娘既．
晚餐我地就去左香矛語菇"食到飽"火鍋，即係任叫任食，有海鮮，有肉類，又任飲，都幾好ga!
晚餐後繼續食食食！到左台中有名既逢甲夜市，大腸包小腸，胡椒餅，統統都試過，價錢平，味道都好好呢，好抵呀！
Day 2 - 台中 － 清境農場
第二日早上係酒店吃過豐富早餐，就坐南投客運經埔里到清境去．我地首先放底行李係我地下榻既靚靚民宿"春天花園城堡"．城堡既Jane好友善，我係香港已經同佢e-mail聯絡，佢仲解答左我好多問題，多謝呢！
Jane仲安排左一間好大既８人樓中樓俾我同MY住，有兩層添呢！
陽台望出萊山，廬山既景色怡人，我好耐都無甘接近大自然啦！
吃過Jane為我地提早準備既下午茶，
Jane又駕車送我地到青青草原睇羊羊．係嘉年華欣賞過馬術表演，我同MY就去左餵羊羊，我對住d羊羊真係無洒辦法，好狼狽呀！
睇埋NewZealand先生主持既綿羊秀，我地就漫步到小市集試試地道小吃，豆干，貢丸湯都好好味呢！
我同MY繼續沿步步高升步道漫步到清境小瑞士花園．花園裡有各式各樣既花卉，我同MY都拍左唔少合照呢！
遊完花園，試過臭豆腐後，我地就行到清境最熱鬧既遊客中心逛逛．逛逛不同既商店，7-eleven，starbucks(買左cheesecake & apple pie for tonite's dessert)，然後再沿翠湖步道漫步番"春天花園城堡"．
大概晚上六時多，由於清境位於高山上，我地回城堡時已經煙霧迷漫，都幾浪漫．晚上係城堡用餐，有沙茶豬肉同牛肉火鍋，望住煙霧迷漫既窗外風景，感覺好特別．．．
