Day 3 清境 - 日月潭
今朝六點起床就見到以下既雲海啦！
我仲叫左MY起床同我影左幾褔相，哈哈！
我地再睡過，九點既景色又係另一番景象！
吃過Jane為我地準備既中式&西式早餐，我地就要離開"春天花園城堡"．
搭過洪叔叔嗰手好快但好安全既車，我地終於來到日月潭，首先到達我地下榻好豪華０７年１０月先開幕既汎麗雅酒店．酒店真係好豪華，服務員既態度好好，主動介紹哂酒店既設施，由於未可以check-in既關係，我地自己周圍行下，影下相．酒店設施有：親水主題館（好似spa樂園），怡然風呂（日月潭獨有）和gym room（好靚既景）等等．．．我地對住酒店既落地玻璃食左個light lunch，担仔麵同牛肉麵，味道同環境都值
啦！
第一站：拉魯島，位於日月潭水中央，係全台灣最細既島．
玄光寺離遠眺望拉魯島，仲食左兩隻著名既阿婆茶葉蛋，好好味！
跟住就去埋伊達邵，呢度係邵族文化村所在，逛逛市集，試下當地小食，好寫意．
最後搭船番酒店check-in啦！
我地住湖景房，間房真係好grand好靚，有
- 無敵大海景大露臺，我同MY喺度食蘋果歎tea
- 無敵大海景私人室內風呂，對住日月潭海景浸溫泉，人生一大樂也！
- 房間內設計都好摩登，好舒適呢！
Sorry, MY, 我成日喝你，哈哈！
Day ４ 日月潭 - 台中
早上既日月潭視野清晰，湖面好平靜，令人心嚝神怡．
我同MY食早餐前，浸過私人風呂溫泉，人都特別精神！
天有不測之風雲，我地食過早餐後，天色突然被大霧籠罩，連小小公仔溫度計都看呆了．
好彩我地係日月潭既行程昨天都去過了，好lucky呢！
跟住我地就搭番車出台中市區，首先到左台中火車站參觀下，然後就去醫肚，食左台中著名既台中肉員，不過MY唔係好鍾意．
之後我地就去左買手信，台中傳統太陽餅，其實有啲似老婆餅，不過原料係麥芽糖，我好鍾意食呢！
最後一站－春水堂，台灣老字號珍珠奶茶店，據說珍珠奶茶係源自台中呢！佢地既珍珠比香港那些細粒煙韌，而且份量仲好大杯添，我地飲唔哂，仲帶埋去機場飲！
今次真係親親大自然之旅．．．希望有機會再欣賞台灣其他既大自然美景．
