20.9.2008 (Sat.)
Macau 兩日一夜 trip, 今年第二次啦！今次係為左睇太陽劇團Zaia show. 由於tickets實在太貴，所以酒店就選了有early bird offer 新開張既Sofitel Ponte 16(多謝Kit & Sally介紹)．酒店設施好新好靚，位置都好方便．
首站去左黑沙海灘Restaurants Fernando，入到去全部客都係西人，好似去左外國咁！
招牌菜燒乳豬超掂，皮脆肉嫩，連唔太鍾意食豬既MY都大讚好味！
再要左燒立魚，有三條咁多，好新鮮，加埋特制醬汁好香，好好食！
食飽飽，到海灘散步．．．
遠眺威斯丁酒店．回程先到路環出名安德魯餅店買左四件葡撻，熱辣辣！
然後回Sofitel Ponte 16 check in! 好開心，酒店upgrade左我地到riverview room，仲望到swimming pool 添！
我同MY去左游水，隔離仲有sauna,steam&gym! 
跟住我地行出去新馬路食晚飯．去左同事仔屋企開既李康記飯店，啲小菜都幾好味！
飯後慢慢行去永利湖邊，欣賞國際煙花比賽，是夜日本隊表演！
然後再返酒店casino逛逛！
21.9.2008 (Sun.)
早上同MY再到酒店swimming pool游水晒太陽，好正呀！
跟住就check out出發到氹仔！ 試左新好利豬扒飽，蝦子麵；誠昌水蟹粥，酥炸鯪魚球／墨魚丸，超大豉汁蒸鱔（MY同mama都唔太欣賞）；仲有莫義記既榴槤味大菜糕，都幾得意！ 好飽呀～
然後到威尼斯人逛逛，再到新開幕既四季酒店參觀，好grand好靚，希望以後有機會住下啦！ 可惜相機無電，只用了MY既手機拍了幾張照！
最後到威尼斯人觀賞今次行程既重點－Zaia by 太陽劇團．呢個其實係一個經過包裝既circus show，舞臺，戲服都好靚，花左唔少心思，今人睇得賞心悅目．不過價錢真係貴左啲！
離開澳門前再到新馬路既帆船餐廳食葡國菜．今次澳門之旅有得食，有得睇，又住左新酒店，滿載而歸！
