2007 北海道冬天之旅 (Part I)

2007.12.16 第一日．出發（香港－札幌）

今次是和ＭＹ的很多第一次：ＭＹ的第一次北海道之旅，我們的第一次日本自遊行，我們第一次的長途之旅（１１日呀），還有很多的新嘗試．． 所以特別興奮和期待，我亦做足很多準備工夫呢！

我們乘十時多ＪＡＬ的机，上机前在Burger king吃了個豐富早餐．在机上又吃了個好好味的鰻魚飯，好滿足呀！

話甘快大約３時就到了東京成田机場，因為要到羽田轉机關係，我地好快就係成田換左limousine bus車票同到JR center買埋Hokkaido JR 7days pass同reserve seats la．我地懞下懞下就順利到達羽田机場啦！

然後買左個牛井同d snacks醫肚，估唔到仲撞到d香港康泰團，佢地都要到羽田轉机，我地book到机位都已經好叻啦！

晚上９時終於到達Sapporo啦！好涷呀，即時著番件羽絨戰衣，ＭＹ仲出動埋手襪同冷帽，我地係ＪＲ已經望到晚上白色既Sapporo！好興奮呢！番酒店(Royal Century Sapporo)放抵行李就去味之時計台食拉麵～我地札幌既第一頓晚餐／宵夜．ＭＹ點左個百搭海鮮牛油粟米拉麵，我就點左個ｂａｓｉｃ既叉燒拉麵，我地兩個都要ｍｉｓｏ湯底．由於外面好涷關係，呢碗熱la la味道又濃既拉麵真係好好味，我地不用十分鐘就食完！跟住就急急腳番酒店準備明天既旅程啦！

 

2007.12.17 第二日．我愛小企鵝（旭川－層雲峽）

一大清早我地就拿着一日的小行裝，急急吃過酒店的豐富早餐，便乘８時的火車向旭川出發！沿途看見漂亮的雪景，火車上暖暖的，感覺很特別，興奮！

一個小時多，很快便到達旭川啦！嘩，外面落住雪，真係好涷呀！看見樹上鋪滿雪，好浪漫呀！

我地跟住就乘半小時巴士到旭川動物園找找小企鵝！等待期間我終於都揾到最愛的熱熱粟米湯，感覺好溫暖呢！

可愛企鵝終於出場啦！無需多講，真係super kawaii！睇片啦！

企鵝仔係我側面行過，真係好得意，有隻仲識得滑雪添！

另外仲睇左好多其他動物：海豹，北極熊，老虎．．．

再睇埋水底既企鵝，跟住就同旭川動物園say bye bye lu!  所有可愛既動物仔，see u soon~

我地跟住坐番車到旭川市中心，到梅光軒食出名既鹽拉麵，清清地，都okay呀！見圖：出面風雪交加．．．

Shop左一陣，大約４時，跟住就搭巴士往層雲峽去啦！

往層雲峽途中，外面下著大雪，而且好快就天黑，到層雲峽尾站時只有我同MY和一個青年．下車後，天已經黑哂，只不過是６時，北海道既冬天真係日短夜長．我地落車後，完全迷失方向，好彩有青年帶路，不過都在大風雪和漆黑中上了大約十分鐘的山路（因為我地住既大雪酒店位於山上），能夠入到酒店，真係好感動，我直程涷到成面紅晒加流鼻水．真係幾搞笑，跟住酒店人員仲問我地點解唔call佢地車我地上酒店，我地真係好笨，不過真係好難忘，同埋好多謝個位熱心青年！

上到酒店，一個酒店伯伯好親切甘介紹所有設施同帶我地上房間，跟住我地就拿拿臨換和服去浸大湯啦！大雪酒店總共有四個大湯，兩個室內同兩個露天風呂．個view真係好掂，因為佢地係山上既關係！

浸完大湯，跟住就慢慢享受酒店為我地係房間裡準備的豐富晚餐！食物種類非常豐富，有長腳蟹，魚生，三文魚鍋，魚翅蒸蛋等等．．．好滿足呢！

晚餐後我地試左一個露天風呂，外面落住雪，真係好正！