2008 Macau in Typhoon 8

六月二十五日 (三)

今日係大假既第一日，一早買左Macau package唸住玩番晚，點知"風神"襲港，香港仲掛八號風球！浪費左半日假俾公司，唔抵！ 原本想試下改package，由於早上１１時許已經落波，唯有搭遲幾班船照去啦！

Turbojet依然好穩定，果然厲害！

二時幾到達酒店，今次我地選了位於漁人碼頭既萊斯酒店，因為佢每間房都有自己私人面海露臺，而且裝修好特別（victoria style）．

果然無今我地失望，酒店仲俾左位於三樓既grand premier房我地，好開心呢！最可惜係出面落雨，冇得好自由咁係露臺影相． 露臺對住澳氹大橋，好靚呀！

唔緊要，係室內影番夠本！

嗰三戔大水晶燈加埋大油畫長樓梯真係謀殺唔少菲林！

梳洗完，我地就出發去氹仔搵食．第一站：誠昌飯店，食左著名水蟹粥，炸鯪魚球＆墨魚球，yummy! 第二站：沙度娜，試左tiramisu味既木糠布甸，味道ok，質感唔係好似木糠布甸，哈哈！第三站：新好利，要了燕窩蛋撻，葡撻，同熱薑可樂；燕窩蛋撻俾MY第一口差唔多已經食哂d燕窩，葡撻就水準依然，熱薑可樂好特別！

逛完氹仔，就去左威尼斯人度假村行番個圈，金碧輝煌．

大運河購物中心．．．

晚上去左煥記海鮮酒家用餐，叫左著名雞煲翅，椒鹽焗中蝦，油炮斑球，西蘭花帶子，魚湯浸菜心．食到好飽好飽．．．

晚飯後，行左去MGM Grand，玩左一陣，酒店都好靚．

夜晚番到萊斯酒店房間露臺再影番張夜景照！

 

六月二十六日 (四)

早上露臺景．．．

龍華茶樓吃傳統點心，有好多明星合照呢！ 由於落雨關係，無冇人帶埋雀籠來品茗．．．

最後指定動作：大三巴買手信，金馬輪食著名豬扒包．