六月二十一日 (六) - 天睛
一早就約左MY到上環信德買Macau package，因為我地黎緊有一星期假期，去兩日一夜relax下啦！
因為我前日腸胃炎，想食清d，就去左試上環出名既生記粥品．我要左魚球豬潤粥，MY就要左清湯牛腩河．牛腩好"林"，好入味，正！個粥我要左細，但係都好多料，鯪魚球大大粒，都有八粒，豬潤都好好味．我食完d料，d粥都差唔多清哂，平時我一定食唔哂d粥．下次一定要試下魚腩，我見好多人食，好滑好新鮮咁！
飯後大約四點，我同MY再一次進行"晒太陽"行動，今次去左淺水灣．淺水灣個灘比赤柱大好多，無咁迫，好舒服！
夜晚去左銅鑼灣翠園用餐，menu換左，味道幾得，加上AE白金半價，好抵！
San San,我都支持翠園呀！
有你支持，我都放心啲！
回覆刪除